MainframesOrdenagailu nagusia (Mainframe), funtsean, superordenagailu bat da, eta milioika informazio-zati aldi berean tratatzeko balio du. Haren teknologiak datua du ardatz, eta haren hedagarritasunari, erredundantzia handiari eta lan desberdinetara egokitzeko gaitasunari esker, sistema ezin hobea da finantza-sistemetan, gobernuetan, aire-nabigazioan eta ehunka petabyte datu erabiltzen dituzten enpresa handietan instalatzeko.
Mainframe IBM System z9
Aurten, aurreko urteetan ez bezala, aldaketa kualitatibo eta kuantitatibo bat egongo da ordenagailu nagusien alorrean: Historian lehen aldiz, makrokonputagailuak aplikazio eta komunikazioen zerbitzu garrantzitsuak eskainiko ditu, eta Euskal Encounter ekitaldiko informazio-sistemen giltzarri bihurtuko da. Hori dela eta, sare-zerbitzu berriak sartuko ditu; besteak beste, erabiltzaileen IP helbideen esleitze dinamikoa (DHCP), erabiltzaileen domeinu-izenak esleitzeko zerbitzaria (DNS), produkzio eta zerbitzu orokorretarako fitxategiak transferitzeko zerbitzaria (FTP) eta gorabeherei erantzuteko zerbitzuak. Halaber, TCP/IPv6 zerbitzari bat gaituko dugu, gerora ezartze-proba egiteko; hala, IPv4 kenduko dugu. Plataforma horrek guztiak zLinux-en arkitektura izango du euskarri.
IBM DS8100 disko-sistemak
Halaber, larunbatean, makrokonputagailuen tailer bat egingo dugu. Tailer horretan, makrokonputagailuen oinarrizko kontzeptuak azalduko ditugu, eta ikastaro praktiko bat emango dugu z/OSren inguruan; arkitektura horretan erabiltzen den sistema eragilea da z/OS, eta Hercules izeneko emuladore-plataforma bat du oinarri. |
Ekimenean zehar hainbat demo eta intro proiekzio egingo dira pantaila nagusian, 8 bit edo AMIGA retroplataformetarako lanak ere ikusgai izango direla.
Capsule-ren Phase One demoaren proiekzioa, Euskal 9an zehar
Lagun iezaguzu lanen proiekzioan
Zerorrek edo besteren batek egindako lanekin parte hartu, edota proiekzio sorta bat prestatu nahi baduzu, jar zaitez arren gurekin harremanetan.
Beste behin abiadura handiko sarea eskeintzen dizuegu gure bolondres eta empresa kolaboratzaileei esker. Argibide gehiago