• Hasiera
• Jarduerak
• Zatoz
• Aurreko edizioak
• Eztabaida-lekua
• Sarea
• Nor gara
• Prentsa

Jarduerak 2007

• Eszena
• Hardware
• Software librea
• Joku-lehiaketak
• Gamegune
• Hitzaldiak
• KZgunea
• Beste jarduerak
• Emaitzak

Arau orokorrak

1. Kategoria eta pertsona bakoitzeko lan bakar bat aurkeztu daiteke 4KB eta 64KB-etako intro eta demoen kasuan izan ezik.
2. Aurretik aurkeztutako lanak (partyetan, internet-en, …) ez dira onartuko.

3. Lanaren egileak partyan bertan egon beharko du Demo, Intro 4k, 3D animazioa, 3D grafikoak eta 2D grafikoen lehiaketetan izan ezik. Gainontzeko lehiaketetarako, eta lanak amankomunekoak balira, gutxienez egileetariko batek bertan egon beharko du lana antolatzaileei emateko eta saria jasotzeko, hala behar izanez gero.

4. Lanak Deadlinea baino lehen aurkeztu beharko dira, eta hau pasa ondoren ez da lanik onartuko. Deadlineak (Muga Orduak) megafoniatik edota pantaila bidez behin eta berriro iragarriko dira.
5. Demo eta introak, ordenean eta ahal den neurrian, lehiaketako ordenagailuan probatu ahal izango dira ondo dabiltzala ziurtatzeko.
6. Proiektoreak bideo modu batzuekin bateragarritasun arazoak sor ditzakeela gogorarazten dizugu, aurretik neurtu ezin den arriskua da.
7. Demo bakoitzaren aurretik, aurreko demoak sor litzazkeen bateragarritasun arazoak ekiditeko ordenagailua berrasieratuko da
8. Demo eta intro denak ESC tekla sakatuz bukatuarazi ahal izango dira. Arau hau errespetatzen ez duten lanak automatikoki kanporatuak izango dira.
9. Era berean, antolatzaileek arrazista den, gustu txarrekoa den edo ikuslegoaren sentsibilitatea irain lezakeen gairik duen edozein lan baliogabetzeko eskubidea du.
10. Ezin izango da ikuslegoa gogaitu lezakeen inolako zarata, soinu edo musikarik sortu partyan lanak ikus-entzuten diren bitartean. Arau hau behin eta berriro errespetatuko ez balitz, antolatzaileek egilea zarata geldiaraztera behartzeko eskubidea gordetzen dute, eta behar izanez gero, partytik botatzekoa.
11. Lanak entregatzeko, lehiaketentzako zerbitzari bat izango dugu. Hala ere, lanak ohiko disketeen eta CD-ROMen bidez entregatu ahal izango dira, eta ez beste inolako sistema bidez. Ez dira esate baterako, ZIP, JAZZ, magneto optiko, VHS edo disko gogorretan entregatutako lanak onartuko.
12. Soinu mahaia ukiezina izango da antolatzaileek baimendu ez duten edonorentzat. Hortaz, mahaia modu berdinean kalibratua egongo da denentzat Musikako lehiaketetan, eta baita Demoetan, Introetan, …
13. Antolatzaileena ez den ordenagailurik ez da onartuko lan bat (demoa, introa, etab.) erakusteko. Lan denek antolatzaileen ordenagailuan funtzionatu beharko dute, lehiaketaren batean onartuak izan daitezen.
14. Lanak lehiaketatik kanpo aurkezteko aukera dagoela gogorarazten dugu, lanak lehiaketen arauren bat betetzen ez duelako edota autoreek hala nahiago dutelako. Lehiaketatik kanpo aurkeztutako lanak lehiaketetakoak bezala erakutsi eta zabalduak izango dira.
15. Lan denak, salbuespenik gabe, sari banaketaren ondoren banatu egingo dira, azken bertsioak diren kontutan hartu gabe eta egileen baimenik behar izan gabe.
16. Lan guztiek license.txt fitxategi bat izan dezakete. Fitxategi hau ez balego, edo bertan adierazitako lizentziak murrizpen gehiago balitu Creative Commons Attribution-NonCommercial-NoDerivs lizentzia egokituko litzaioke.

---