|
Hack It
Emaitzak
- Canal #crackers
- Avenger
- NavarHack
Aurtengo hacking edo sistemara erasoa lehiaketako arauak ondokoak dira:
- Parte hartzeko beharrezkoa da aurretik izen-ematea. Horretarako formulario
bat prestatu da partyko extranet-ean partyko edozein partehartzailek izena
eman dezan.
- Maila bat ebatzita dagoela kontabilizatzeko, mezu zifratu bat bidali
beharko da gako hau erabiliz
hackit@euskal.org helbidera, maila nola pasa den modu zehatz batean azalduz.
Hackit lehiaketako kudeatzaileak mezua erantzungo du deskribapena zuzena den
edo ez azalduz. Gakoarekin zifratu ez diren mezuak ez dira kontutan hartuko.
OHARRA: Mezuak zifratzen ez badakizu, hau egiteko informazioa hemen duzu:
Windows,
Linux.
- Lehiaketaren irabazlea igandeko 12:00ak baino lehen maila gehien ordenean
gainditu dituen talde edo pertsona izango da. Momentu hori baino lehenago
maila denak gainditu dituen talde edo pertsona bat baino gehiago egonez gero,
azken mailaren ebazpen zuzena lehenago zeinek egin zuen kontutan hartuko da.
- Lehiaketaren beste partehartzaileei pistak ematea talde edo pertsonaren
deskalifikaketa suposatuko du.
- Proba denak zerbitzariaren kontrako errendimendu erasorik egin gabe ebatzi
daitezke. Zerbitzariaren kontrako errendimendu erasoak nahiz hiztegi-erasoak
egiten dituen edonor deskalifikatua izango da.
- Deskalifikatzeko motiboa izango da era berean, gainerako partehartzaileen
parte hartzea oztopatzeko edozein ekintza, zerbitzua behera botatzeko erasoak,
mailak aldatu edo suntsitzea, etab. eta baita zerbitzariari buruzko informazioa
lortzeko atzipen fisikoa erabiltzea. Helburua proposatutako mailak gainditzea da,
ez lehiaketaren makina bera (kontutan eduki hau eraso bat jaurtitzen duzuenean).
Laburbilduz, lehiaketa teknika eta ingenioa erabiliz ebatzi beharreko zenbait
mailek osatzen dute, eta hauen ebazpena bidali beharko da (2. puntuan aipatzen
den bezala) lehiaketa barruan kontutan edukitzeko. Lehiatzeko asmorik gabe parte
har daiteke, lehiaketaren kudeatzaileari bidali beharreko mezuak alde batera utzita;
hala eginez gero partehartzaileak ez du saririk jasoko.
- Lehiaketan parte hartzeak bere arauak onartzea suposatzen du.
Sariak
Lekua | Saria |
1goa | 300 € |
2. | 150 € |
3. | 75 € |
|
|